Wake up!!!!!!! Eritrea is reoccupied by Ethiopians!!!!!! Back to armed struggle........there is no other alternative!

ደምዳሚ መግለጺ፡ 3ይ-ስሩዕ ኣኼባ ፖ/ቤት-ጽሕፈት ሰደግኤ፡

ፖሎቲካዊ ቤት-ጽሕፈት ሰውራዊ ደሞክራስያዊ ግንባር ኤርትራ(ሰደግኤ) ካብ 06 ክሳብ 08 ታሕሳስ 2017፡ 3ይ-ስሩዕ ኣኼብኡ ኣሰላሲሉ። ፖሎቲካዊ ቤት-ጽሕፈት ሰደግኤ፡ 3ይ-ስሩዕ ኣኼብኡ ዘካየደሉ እዋን፡ ኣብ ፍሉይን ዝተሓላለኸን  ዓለማዊ፣ ዞባውን ከባብያውን ኩነታት እዩ፤ ኣብ ዓለምና ብሓፈሻ፡ ኣብ ዞባናን ከባቢናን ድማ ብፍላይ፡ ርኡይ ምድኻም ዝተወደበ ምንቅስቓስ ጥሩፋት ሓይልታት ኣብ ዝተረጋገጸሉ ብሓደ ወገን፡ ብመንፈስ ተስፋ ምቑራጽ ተደፊኦም፡ ኣብ  ከተማ ሞቓዲሾን ግብጽን(ኣብ መስጊድ)፡ ኣዝዩ ዘስካሕክሕ ግብረ ሽበራዊ ተግባራት ዝፈጸሙሉ ድማ በቲ ካልእ ወገን፡ ከምኡ'ውን ዘበኑ ዝሓለፎ ናይ ደቂ ሰባት ንግዲ( ጊላዊ ንግዲ)፡ ኣብ ቅርዓት ሃገረ ሊብያ ክረአ ዝጀመረሉ ኣዝዩ ዘሰክፍ፡ ዓለም-ብዓለሙ ዘሕዘነ፡ ብሓደ ቃል ድምጹ ዓው ኢሉ ክኹንኖ ዝተራእየሉ ኩነታት'ውን እዩ ተኻይዱ። ኣብ ዞባ ማ/ምብራቕ፡ ምስ ኩነታት ሃገረ የመን ብዝተኣሳሰረ፡ ክልተ ኣብ ሕድሕዶም ዘይቃደዉ መንግስታት፡ ብዘካየዱዎ ዘለዉ ናይ መን ሰዓረ ኣዕናዊ ኩናት፡ መጻኢ ዕድል ህዝብን ሃገርን የመን በብእዋኑ ኣብ ሓደጋ እናተሸመመ ዝኸደሉ ዘሰክፍ ወቕቲ'ውን እዩ ተሰላሲሉ። ፋሽስታዊ ስርዓት ኢሳይያስ፡ ናይ ክድምንኡ ሕርጓቶ ክምእርር፡ ኣብ'ዚ ኣዕናዊ ወፍሪ'ዚ ይዋሳእ ምህላዉ ተገንዘበ፡