Wake up!!!!!!! Eritrea is reoccupied by Ethiopians!!!!!! Back to armed struggle........there is no other alternative!

ፖለቲካዊ ባርነት ዝወለዶ ጉልበታዊ ባርነት

ባርነት ጥንቲ ዝነበረ፡ ግን ከኣ ዝተሰግረን ታሪኽ ዝኾነን ይመስል ነይሩ። ከም ሓቂ ግን ብኣተሓሳስባን ተግባርን ዛጊት ካብኡ ዘይወጽኡ ሰባት ኣለው። ሰባት ክንሶም ብተዘዋዋሪ ንከምኦም ዝበሉ ሰባት ዝበልዑ ሰባት ኣለው። ጥንቲ ኮነ ሎሚ ድማ ምንጪ ባርነት፡ ስእነት ህዝባዊ ሓርነት’ዩ። ምጉዳል ማሕበራዊ ፍትሒ፡ ምጥፋእ ማዕርነታዊ ደሞክራስያዊ ሓድነትን’ዩ። እዚ ኩሉ ከኣ ተቓሊስካ ክቕየር ዝኽእል፡ ስሰዓ ወዲ-ሰብ ዝወለዶ ሕማም’ዩ። ዘይደሞክራስያውያን፣ ንጉሳውያን፣ መለኽትን ፋሽሽታውያንን ስርዓታት ልዕና ኣብ ዝሓዙለን ሃገራት ይዓብን ይንእስን እንተዘይኮይኑ ኣብ መንጎ ዜጋታት ኣድልዎ ኣሎ። ካብ ባህሪያዊ ሃገራዊ ጸጋታት ብፍልጠትካ፣ ብጉልበትካ ብማዕረ ዘይምጥቃም ኣሎ።