መንግስቲ ኬንያ ምዝገባ ኤርትራውያንን ኢትዮጵያውያንን ስደተኛታት ደው ከየብሎ ተኣዚዙ

ወይዘሮ ምዋሳሩ ግን እቲ መምርሒ ኬንያ ዝፈረመትሉ ኣህጉራዊ ውዕላትን ፕሮቶኮልን ዓለምለኻውን ዞባውን መትከላት ዝሰማማዕ ምዃኑ እያ ትገልጽ።

ይዅን'ምበር እተን ዘይመንግስታውያን ትካላት እቲ መምርሒ ሕጋዊ መሰረት ዘይብሉን ብኣጉል እምነት እተዋህበን ምዃኑ ይምጕታ።

ካብ ሽዑ ንነጀው እቲ ላዕለዋይ ቤት ፍርዲ መንግስቲ ካብዘን ሃገራት ዝመጹ ሓተትቲ ዕቝባ ምምዝጋብ ደው ከየብሎ ዝኽልክል ትእዛዝ ኣውጺኡ ኣሎ።

ኬንያ፡ ሓንቲ ካብተን ብዙሓት ኤርትራውያንን ኢትዮጵያውያንን ስደተኛታት ሕቶ ዕቝባኦም ዘቕርቡለንን ናብ ሃገራት ምዕራብ ዝሰግሩልንን ብምዃና እቲ ተመሓላሊፉ ዝነብረ ውሳነ፡ ነዞም ስደተኛታት ኣሻቓሊ ኰይኑ እዩ ጸኒሑ ።

እቲ ኣብ ትሕቲ ቤትጽሕፈት ፕረዚደንት፡ ብኮሚሽነር ጉዳያት ስደተኛታት ምዋሳሩ ምረቼ ተፈሪሙ ዕላዊ ዝዀነ ደብዳበ፡ "ሓተትቲ ዕቝባ ዜጋታት ኢትዮጵያን ኤርትራን ንግዚኡ ከም ስደተኛታት ምምዝጋብ [ምቕባል] ጠጠው ኣቢልና ከም ዘለና ነፍልጥ፡" ዝብል እዩ ነይሩ።

ስደተኛታት ናብ ኬንያ ክውሕዙ ካብ ዘገደደ ምኽንያታት፡ እታ ንዓመታት ኣእዳዋ ዘርጊሓ ኣሽሓት ስደተኛታት ክትቅበል ዝጸንሐት ዩጋንዳ ካብ ዝሓለፈ ጥሪ ጀሚራ ሓደስቲ ስደተኛታት ምቕባል ደው ስለ ዘበለትን፡ ኣብ መንጎ ኢትዮጵያን ኤርትራን ዘሎ ወጥሪን ዝደረዀ ምዃኑ ይንገር።