ኣብ ኢትዮጵያን ኤርትራን፡ ብርቱዕ ውሕጅ ዘስዓቦ ዕልቕልቕን ዛሕልን ክህሉ ትጽቢት ከም ዝግበር ተገሊጹ

ጐድኒ ጐድኒ እቲ ዝናብ፡ ኣብ ማእከላይ ሱዳንን ምብራቓዊ ደቡብ ሱዳንን ልኡም ሙቐት ከም ዝህሉ ይግመት። ሰሜናዊ ሱዳን፡ ገለ ክፋል ገማግም ቀይሕ ባሕሪ፡ ጅቡቲን ሰሜናዊ ምዕራብ ሶማልያን ግን ልዕሊ 32 ደረጃ ሰልሰስ ልዑል ሙቐት ክቕጽል እዩ። ኡጋንዳ፡ ኬንያ፡ ታንዛንያን ኢትዮጵያን ካብ ማእከላይ ክሳብ ልኡም ሙቐት ክርኣየን እዩ።

ኣብቲ ዞባ፡ ዝናብን ፍልልይ ሙቐትን ዝተሓዋወሰ ጽልዋ ክህሉዎ እዩ። ዝናብ ንመስኖ ዘራእትን ምንጪ ማይ ንምምስሳንን ክሕግዝ ዝኽእል እኳ እንተዀነ፡ ብሰንኪ ውሕጅ ዝስዕብ ሓደጋ ግን ይውስኽ። እዚ ድማ ንመሰረተ-ልምዓት፡ ኣባይትን መሬት ሕርሻን ክጐድእ ተኽእሎ ኣለዎ።

ብሰንኪ'ዚ ልዑል ሓደጋ ከጓንፎም ዝኽእሉ ሕብረተሰባት ሕርሻኦም ንምክልኻል ውሕጅ ካብ ዝበዝሖም ከባቢታት ክእለዩ፡ ንብረቶም ክከላኸልሉ ዘኽእሎም ሜላታት ከተኣታትዉን ፍግረ-መሬት ክከላኸሉን፣ ከምኡ'ውን ነቲ ዝናብ ክጥቀምሉን ሃንደበታዊ ለውጢ ኵነታት-ኣየር ከስዕቦ ንዝኽእል ሓደጋ ክከታተሉን ጻውዒት ቀሪቡ።