Tues June 24 2008

main page



 

ጋዜጣዊ መግለጺ ካብ ክፍሊ ወጻኢ

ዝምድናታት (ኪዳን) ብዛዕባ ኤርትራውያን

ሃገረ ግብጺ ትሰጎም ዘላ

ክፍሊ ወጻኢ ጉዳያት ኣብ ፈጻሚት ቤት ጽሕፈት ኪዳን ነቲ ጸብጻብን ወረን ምስጋግ ኤርትራውያን ካብ ግብጺ ተኸታቲሉ፡ ብመሰረት እቶም ግብጺ ትሰጎም ዘላ ኤርትራውያን፡ ብሰንኪ ስርዓት ህግደፍ ሕማቕ ተግባራት ካብ ሃገሮም ኤርትራ ዝተፋናቐሉ እዮም እዞም ሰባት እዚኦም ድማ ብዘይ ድልየቶም ካብ ሃግሮም ዝተፍናቐሉ ስለዝኾኑ ስደተኛታት ተባሂሎም ክጽውዑ ይካኣል፡፡ ናብ ግብጺ መምጺኢኦም ድማ ናብ ካልኦት ሃግራት ንምስግጋርን፡ ካብ ስርዓት ህግደፍ ተገላጊሎም ሰላምን ጸጥታን ዘለዎ መነባብሮ ክንብሩ ኢሎም እዮም፡፡ ከምኡውን እቶም ቅድሚ ሕጂ ካብ ሃገራት ማልታን ሊብያን ዝተሰጎጉ ኤርትራውያን ስደተኛታት ስረዓት ህግደፍ ቀጥታ ተቐቢሉ ብምእሳርን ኣብ ወትሃደራዊ ማዓስከራት ብምድጓንን ገለ ካብኣቶም ድማ ኣብ ቅድሚ ብጾቶም ተረሺኖም (ተቐቲሎምን) እዮም፡፡ ስለዚ ኪዳን ብዘለዋ እምነትን ባህልን ኣብ መንጎ ህዝቢ ኤርትራን ግብጽን፡ ግደ መንግስቲ ግብጺ ኣብ ምድጋፍ ጉዳይ ህዝቢ ኤርትራ ንመራሕቲ ሃገራዊ ምንቅስቓስ ኤርትራ ብምሕቋፍ ከምኡውን ካብ ኩሉ ሕብረተሰብ ዓለም ኣብ ዓዶም ዝተጨነቑን ዝተሸገሩን ናይ ምሕቃፍ ባህልን ልመድን ስለዘለዋ፡፡ - ካብዚ ብምብጋስ ኤርትራዊ ዲሞክራስያዊ ኪዳን፡- 1. ማሓዛና ሀገር ግብጺ ነዞም ስደተኛታት ኤርትራውያን ናብ ኤርትራ ከይትሰዶም ይጽውዕ፡ ሂወቶም ንምድሓንን ነቲ ኣብ ኤርትራ ዝወርዶም ሽግርን መከራን ንምድሓን፡፡ 2. መንግስቲ ግብጺ ነቶም ናብ ኤርትራ ዝሰጎጎቶም ኤርትራውያን ሂወቶም ንምዕቃብን ሃለዋቶም ንምክትታልን ኣብ ልዕሊ ስረዓት ህግደፍ ጸቕጢ ክትገብር ንጽውዕ፡፡ 3. ሃገረ ግብጺ ኣብ ዓለም ዓቢ ሚዛንን ክብርን ስለዘለዋ ምስቶም ነዚ ጉዳይ ዝምልከቶም ኣካላት፡ እቶም ካብ ግብጺ ዘይተሶጎጎ ኤርትራውያን ኣብ ግብጺ ይኹን ወይ ድማ ኣብ ካሎኦት ሃገራት ሽግሮም ንምፍታሕ ግዲኣ ከተበርክት ይጸውዕ፡፡ 4. ኤርትራዊ ዲሞክራስያዊ ኪዳን ብዘለዎ ዓቕሚ ምስ ዕላዊ ሸነኻት ግብጺ ኣብ ምፍታሕ ሽግሮም ግዲኡ ከበርክት ምኻኑ የረጋግጽ፡፡ 5. ኤርተራዊ ዲሞክራስያዊ ኪዳን ኣብ ኣዲስ ኣበባ ዝርከብ ኤምባሲ ግብጺ ዘቕረቦ መሞረንደም ብዓይኒ ተገዳስነት ክውሰድ ይሓትት፡፡

ወጻኢ ጉዳያት ኣብ ፈጻሚት

ቤት ጽሕፈት ኤርትራዊ

ዲሞክራስያዊ ኪዳን